Сиз учун мос бўлган бизнес ғояни танлашга ёрдам берадиган 10 савол

1. Сиз қандай муаммони ҳал қилмоқчисиз?

Aввало, аудитория қандай муаммо ёки оғриқли нуқтага дуч келаётгани тўғрисида аниқ тасаввурга эга бўлишингиз керак. Сизнинг маҳсулотингиз, ғоянгиз ёки хизматингиз уни ҳал қилиши керак.

Сиз маҳсулот дизайнерлари каби ўйлашингиз, тушунарли тилни ишлатишингиз ва уни ҳақиқий мижозлар ёки охирги фойдаланувчи маълумотларига нисбатан тасдиқлашингиз керак бўлади.

Бунинг учун бренд ва харидор ўртасидаги ўзаро таъсирнинг давомийлигини кузатиш фойдалидир.

Исталган натижага эришиш учун амалга ошириш керак бўлган истеъмолчиларнинг асосий ҳаракатларини аниқланг.
Истеъмолчининг ҳар қадамда олган тажрибасини ўрганинг. Оғриқ нуқталарини ёки натижаларга эришиш йўлидаги тўсиқларни аниқланг.
Белгиланган муаммолар асосида ўз ечимингизни ишлаб чиқинг.

Муаммо баёноти бир нечта шаклларда - матн тавсифи ёки фойдаланувчи ҳикояси формати бўлиши мумкин. Бу мавжуд вазиятни ва фойдаланувчи тажрибасидаги бўшлиқни аниқлашга ёрдам беради. Сизнинг маҳсулотингиз ёки хизматингиз ушбу бўшлиқни тўлдирадиган вазиятни симуляция қилишга имкон беради. Бундан ташқари, сиз муаммонинг кўлами ва унга ажратиладиган вақт ёки кучни англаб етасиз.

2. Сизнинг таклифингиз қанчалик фойдали ва ноёбдир?

Ўзингизни харидорларнинг ўрнига қўйинг. Сизнинг маҳсулотингиз ёки хизматингиз бозордагидан нимаси билан фарқ қилади? Бу ҳозирги жараённи рақобатчилар қила олмайдиган даражада яхшилайдими?

Сиз мутлақо янги нарса ихтиро қилишингиз ёки бозорга биринчи бўлиб чиқишингиз шарт эмас. Масалан, Facebook биринчи ижтимоий тармоқ эмас еди. Унгача аллақачон SixDegrees ва SocialNet пайдо бўлган эди. Бироқ, Facebook ҳақиқий одамлар атрофида қурилган биринчи ижтимоий тармоқ бўлди. Янгиликларни баҳам кўришингиз, ўз фикрингизни билдиришингиз ва янги усуллар билан боғланишингиз мумкин бўлган платформага айланди.

3. Сизнинг ғоянгиз, хизматингиз ёки маҳсулотингиз талабга эгами?

Келажакдаги истеъмолчиларингиз ундан қанчалик даражада фойдаланишни хоҳлашади? Бу уларнинг муаммосини қанчалик ҳал қилади? Жавоб олиш учун келажакдаги аудиториянгиз билан боғланинг: фокус- гуруҳларни тўпланг ёки сўровнома ўтказинг.

Сем Уолтон: “Битта хўжайин бор. У ҳам бўлса мижоз ", деган эди. Шунинг учун, сизнинг вазифангиз уни жалб қилишдир.

4. Сизнинг ғоянгиз, хизматингиз ёки маҳсулотингиз қанчалик ҳақиқатга мос келади?

Ўз фикрингизни ҳаётга татбиқ етиш қийинми? Бунга кўп вақт, куч ва пул сарфлашингиз керак бўладими?

Бу сизнинг тахминларингизга ва сарфлашга тайёр бўлган ресурслар миқдорига мос келадими?

5. Сизнинг ғоянгиз, хизматингиз ёки маҳсулотингиз молиявий жиҳатдан сизга фойда келтирадими ?

Сиз сармоянгизни қоплай оласизми? Унда ROI (инвестицияларни қайтариш) қандай ҳолатда?

Ғоянгизнинг барча харажатлари ва фойдаларини санаб ўтинг ва фойдалари кўпроқ эканлигига ишонч ҳосил қилинг.

6. Ушбу ғояни амалга ошириш учун сизнинг маҳоратингиз талаб қилинадими?

Ғоянгизни ҳаётга татбиқ этиш учун ўз маҳоратингиз ва тажрибангиздан фойдалана оласизми? Aлбатта, муваффақият қозониш учун сизга жамоа керак. Aммо агар сиз вазиятга тўғри баҳо бера олсангиз ва бўшлиқларни кўра олсангиз, бизнесни амалга ошириш сиз учун осонроқ бўлади.

7. Контактларингиздан фойдалана оласизми?

Жамоада керакли малакага эга бўлган тўғри одамлар бўлиши ҳар қандай бизнес ғояни бошлаш учун жуда муҳимдир.

Сиз ёрдам сўраб мурожаат қилишингиз мумкин бўлган одамлар борми? Сиз учун ишчилар топадиган, маслаҳат беришда ёрдам берадиган ёки биринчи фойдаланувчи ким бўлишини аниқлайдиган кимдир мавжудми?

8. Ғояни биринчи фойдаланувчиларда синаб кўриш мумкинми?

Дастлабки фойдаланувчилар сизнинг таклифингизни бозорга тушмасдан олдин синаб кўришлари мумкин. Aгар маҳсулот ёки хизмат учун мақсадли аудитория аниқ белгиланган бўлса, ким биринчи фойдаланувчи бўлишини белгилаш ва улар билан боғланиш муҳимдир.

9. Бозор қанчалик катта?

Эҳтимол сиз жуда яхши маҳсулот ёки хизмат тақдим этишни хоҳлайсиз. Бироқ, бу сизнинг таклифингиз жуда долзарб эканлигига ишонч ҳосил қилишни талаб қилади. Мижозларнинг юқори қизиқишини ва бренднинг машҳурлигини оширади.

Бироқ, ғояни синаб кўриш ва хатарларни камайтириш учун, кенгроқ бозордан бошлаш яхшироқ. Ушбу ечим бир нечта афзалликларга эга:

Aудиториянгизга мос келадиган ва уларнинг эҳтиёжларини қондирадиган нарсаларни аниқлаш учун турли хил ёндашувларни синаб кўришингиз мумкин.
Сизда ҳисоб-китоб учун имконият бўлади.
Бизнес битта маҳсулотга ёки хизматга камроқ боғлиқ бўлади.
Aйтиш жоизкиPayPal асосчиси ва инвестор Питер Тиел бизнесни кичик бозорлардан бошлашни маслаҳат беради. Кўпгина муваффақиятли компаниялар кичик товар маҳсулотига ўхшаш нарсаларни бошладилар ва талаб ўсиб бориши билан бутун дунёни эгаллаб олдилар. Шу йўл билан улар монополист бўла олдилар.

Унинг фикрича, бизнес монополияга қанчалик яқинлашса, шунча яхши бўлади. Бу, айниқса, eBay ёки Amazon каби талабни ўзлари ишлаб чиқарадиган компаниялар учун фойдалидир.

10. Ушбу ғоя сизни қанчалик илҳомлантиради ва қизиқтиради?

Ўзингиз маҳсулотингиз фойдаланувчисига айланасизми? Маҳсулотингиз дуч келадиган муаммони ҳал қила оладими?

Ушбу ғоя ва унинг мақсади билан боғлиқлигингизни ҳис қиляпсизми, у қадриятлар ва эътиқодлар билан мос келадими?

Aгар сиз ушбу мавзуни доимий равишда ўрганиб бормасангиз, маҳсулотни узоқ вақт давомида ривожлантира олмайсиз ва унга қизиқишни йўқотишингиз мумкин.

Ушбу саволлар сизнинг бизнес ғоянгиз қанчалик ҳақиқат эканлигини аниқлашга ва муваффақияциз бўлган фикрни рад етишга ёрдам беради. Илҳом муҳим, аммо бизнеснинг энг яхши ҳаракатлари маълумотлар ва таҳлилларга таянади.

manba:biznesrivoj.uz